លោក Ole Gunnar Solskjaer បានអះអាងថាលោកដឹងខ្សែបម្រើ Van de Beek មិនសប្បាយចិត្តជាមួយក្រុម Manchester United ឡើយ ព្រោះមិនមានឱកាសបានលេងគ្រប់គ្រាន់។
កីឡាករជម្រើសជាតិហុល្លង់ខាងលើនេះត្រូវបានបិសាចក្រហម Man Utd ទិញចូលកាលពីរដូវក្ដៅកន្លងទៅពីក្រុម Ajax មក។ វត្តមានរបស់កីឡាករវ័យក្មេងម្នាក់នេះ គឺមិនបានទៀងទាត់គ្រប់ការប្រកួតនោះទេ ដោយសារតែកីឡាករខ្សែបម្រើដែលមានក្នុងក្រុមស្រាប់នោះ កំពុងលេងបានយ៉ាងល្អដូចជា Pogba , Bruno Fred និង Scott McTominay ជាដើមនោះ។ ដោយគិតត្រឹមពេលនេះ រូបគេលេងបាន២១ប្រកួត ក្នុងនោះនៅ Premier League បាន១០ប្រកួតដែរ។
ការលេងមិនបានច្រើនដែរ ត្រូវបានលោក Ole ដែលជាអ្នកទិញរូបគេមកនោះ អះអាងថាលោកក៏ដឹងថាកីឡាករមិនសប្បាយចិត្តដែរសម្រាប់ការលេងមិនបានគ្រប់ប្រកួតនេះ។ តែទោះជាយ៉ាងនេះក្ដី លោករំពឹងថា De Beek នឹងខិតខំបន្ថែមទៀត ដើម្បីអាចប្រជែងជាមួយកីឡាករក្នុងក្រុមមាននាទីលេងកាន់តែច្រើនឡើង៕ប្រភព Goal