ក្រុមកាំភ្លើងធំ Arsenal បានធ្លាក់ចេញពីពានរង្វាន់ FA Cup ហើយ ក្រោយពីលេងចាញ់ក្រុម Southampton ក្នុងលទ្ធផល ១-០ នៅល្ងាចមិញនេះ។
ក្រុម Arsenal ត្រូវបានគេស្គាល់ថាជាក្រុមលេងបានល្អណាស់ក្នុងពានរង្វាន់ FA Cup នេះ។ តែគួរឱ្យសោកស្ដាយ នៅយប់មិញនេះបែរជាភ្លាត់បរាជ័យឱ្យក្រុមSouthampton រកបាន១គ្រាប់ ដោយ Gabriel នៅនាទី២៤។ គ្រាប់បាល់កើតឡើងនៅតង់ទី១នេះហើយ គឺរក្សារហូតដល់ចប់ការប្រកួតតែម្ដង មិនមានអ្វីប្រែប្រួលទៀតនោះទេ។
ធ្លាក់ចេញពីពានរង្វាន់ FA Cup នេះហើយ លោក Arteta អ្នកចាត់ការក្រុម Arsenal បានអះអាងថាក្រុមរបស់លោកបានរៀនសូត្រណាស់ក្នុងការប្រកួតនេះ។ ជាពិសេសក្រុម Southampton បានផ្ដល់មេរៀនមួយដែលមិនអាចបំភ្លេចបានតែម្ដង។ លោករំពឹងថាការលេងមិនល្អ និងមានចន្លោះប្រហោងច្រើននេះនឹងក្លាយជាមេរៀនសម្រាប់ក្រុម Arsenal ត្រូវកែប្រែសម្រាប់ប្រកួតបន្ទាប់ទៀត៕
ប្រភព៖ DailyMail