ខ្សែប្រយុទ្ធ Eden Hazard រកគ្រាប់បាល់ដំបូងឱ្យក្រុម Real Madrid បានហើយក្នុងការប្រកួតដែលយកឈ្នះលើក្រុម Alaves ក្នុងលទ្ធផល ៤-១ នៅយប់មិញនេះ។
ក្រុម Real Madrid ចាប់ផ្ដើមលេងល្អឡើងវិញនៅយប់មិញនេះ បើទោះជាអវត្តមានកីឡាករសំខាន់ជាច្រើននាក់ដោយសាររបួសនិងមេរោគកូវីដ១៩ក៏ដោយ។ ជាក់ស្ដែងនៅតង់ទី១ ពួកគេរកបាន៣គ្រាប់ ដោយ Casemeiro ១គ្រាប់ Benzema ១គ្រាប់ និង Hazard ១គ្រាប់។ ខណៈដែលចូលដល់តង់ទី២ទៀត ក្រុមអធិរាជសក៏បន្ថែម១គ្រាប់ទៀតបានដោយ Benzema ដដែល។
រំលឹកថាការប្រកួតនៅយប់មិញនេះ ក្រុម Real Madrid មិនមានអ្នកចាត់ការ Zidane ឈរបញ្ជាកូនក្រុមបានទេ ដោយសារតែលោកធ្វើតេស្ដវិជ្ជមានកូវីដ១៩។ ស្របពេល១គ្រាប់របស់ Hazard វិញ គឺជាគ្រាប់ដំបូងសម្រាប់រូបគេឱ្យក្រុម Real Madrid ហើយគិតចាប់តាំងពីខែតុលាឆ្នាំ២០២០៕
ប្រភព៖ DailyMail