ក្រុមអ្នកគាំទ្រ Real Madrid ប្រមាណ៨៨%បាននាំគ្នាបោះឆ្នោត ដើម្បីឱ្យក្លឹបទិញខ្សែប្រយុទ្ធថ្មីចូល ដោយក្នុងនោះ Mauro Icardi ជាបេក្ខភាពទី១ដែលពួកគេចង់បាន។
ក្រោយពីការចាកចេញរបស់ Cristiano Ronaldo មក ក្លឹប Real Madrid មិនទាន់បានចំណាយលុយទិញខ្សែប្រយុទ្ធថ្មីរួមក្រុមនៅឡើយទេ។ ដោយបច្ចុប្បន្ននេះ ពួកគេប្រើកីឡាករចាស់ៗរបស់ខ្លួន ជាពិសេសលើក Gareth Bale ជាកីឡាករសំខាន់ក្នុងក្រុមតែម្ដង។ បន្ទាប់ពីបរាជ័យក្រោមថ្វីជើងរបស់ក្រុម Atletico Madrid ៤-២ ពានរង្វាន់ UEFA Super Cup រួចមក អ្នកគាំទ្រក្រុម Real Madrid កាន់តែមិនទុកចិត្តចំពោះសមត្ថភាពតំបន់ប្រយុទ្ធឡើយ ហើយទាមទារឱ្យក្លឹបត្រូវស្វែងរកខ្សែប្រយុទ្ធថ្មីម្នាក់ទៀតមករួមក្រុម។
កីឡាករដំបូងគេដែលអ្នកគាំទ្រចង់បាននោះ គឺ Mauro Icardi ប្រធានក្រុមរបស់ Inter Milan តែម្ដង។ ខ្សែប្រយុទ្ធអាហ្សង់ទីនរូបនេះ ជាអ្នករកគ្រាប់បាល់បានច្រើនជាងគេនៅលីគអ៊ីតាលីរដូវកាលមុន ហើយក៏អាចនឹងផ្លាស់មក Real Madrid បានដែរ ត្បិតអីសាមីខ្លួនចង់មានឱកាសដើម្បីប្រជែងខ្លាំងជាងនៅអ៊ីតាលី។ សម្រាប់បេក្ខភាពទី២វិញ គឺ Timo Werner របស់ក្រុម RB Leipzig និងម្នាក់ទៀតគឺRodrigo របស់ក្រុម Valencia ៕ប្រភព៖ dailymail
Timo Werner & Rodrigo