ក្រុមខ្លាំង Atalanta បានរំកិលឈ្មោះមកចូលចំណាត់ថ្នាក់ Top 4 ក្រោយឆ្លងកាត់ការប្រកួតកាលពីយប់មិញ តាមរយៈការយកឈ្នះ ៣-០ ទៅលើក្រុមកំពូលតារាង AC Milan។
បច្ចុប្បន្ន Atalanta មាន ៣៦ ពិន្ទុ ឈរនៅលេខ ៤ ហើយ AC Milan មាន ៤៣ ពិន្ទុឈរនៅលេខ ២។ រីឯ Napoli និង Juventus ឈរលេខ ៥/៦ (សល់ ២ ប្រកួតក្នុងដៃ)។
នេះជាបរាជ័យលើកទី ២ ហើយសម្រាប់ AC នៅរដូវកាល ២០២០/២១ ក្នុងការប្រកួតក្របខ័ណ្ឌ Serie A។ តាមពិតទៅយប់មិញក៏ក្រុមម្ចាស់ផ្ទះមានឱកាសច្រើនដែរ តែការបញ្ចប់ទីធ្វើមិនសូវបានល្អ ដោយស៊ុតចំគោលដៅបានត្រឹម ២ លើក រីឯ Atalanta ធ្វើបានដល់ទៅ ៧ លើក។
គ្រាប់បាល់បើកឆាកកើតឡើងនៅនាទី ២៦ ដោយកីឡាករ Cristian Romero លុះដល់នាទី ៥៣ ខាងក្រុមភ្ញៀវបានបាល់ចំណេញ ១១ ម៉ែត្រនិងបញ្ចប់ទីដោយកីឡាករ Josip Ilicic ហើយដល់នាទី ៧៧ ទើប Duvan Zapata បន្ថែមមួយគ្រាប់ទៀត។
ទស្សនាវីដេអូខាងក្រោម៖
រំឭកថានេះក៏ជាប្រកួតដំបូងដែល Mario Mandzukic មានវត្តមានផងដែរ តែពុំមែនជាប់ជម្រើសដំបូងទេ ដោយខ្សែប្រយុទ្ធចំណូលថ្មីរូបនេះប្តូរចូលនៅនាទី ៧០ ជំនួស Samu Castillejo៕