ខ្សែប្រយុទ្ធ Kylian Mbappe រកបាន២គ្រាប់ម្នាក់ឯងជួយក្រុម PSG យកឈ្នះលើក្រុម Montpellier ក្នុងលទ្ធផល ៤-០កាលពីយប់មិញនេះពានរង្វាន់លីគកំពូលបារាំង។
ខ្សែប្រយុទ្ធខាងលើនេះនៅសល់កុងត្រាជាមួយក្រុម PSG នៅត្រឹមឆ្នាំ២០២២នេះទេ ដែលធ្វើឱ្យមានមតិជាច្រើនចង់ដឹងថារូបគេនឹងបន្ដលេងនៅទីនេះទៀត ឬក៏សម្រេចចិត្តចេញទៅលេងនៅក្រៅប្រទេសម្ដង។ ស្របពេលបច្ចុប្បន្ន Real Madrid និង Liverpool ចាប់អារម្មណ៍លើ Mbappe នេះខ្លាំងជាងគេ។
ចំពោះរឿងអនាគតនេះដែរ សាមីខ្លួនខាងលើបាននិយាយថា៖ “យើងកំពុងនិយាយជាមួយក្លឹបដើម្បីរកដំណោះស្រាយ។ ខ្ញុំបានគិតពីវា ព្រោះខ្ញុំគិតថា បើខ្ញុំបន្ដកុងត្រា នោះវានឹងក្លាយជាកុងត្រាយូរឆ្នាំបន្ថែមទៀត។ ខ្ញុំសប្បាយចិត្តនៅទីនេះ អ្នកគាំទ្រ ក្លឹប ពួកគេបានជួយខ្ញុំជាច្រើន។ យើងនឹងធ្វើការសម្រេចចិត្តក្នុងពេលឆាប់ៗនេះហើយ”៕ប្រភព Marca
