កំណត់ត្រាមិនចាញ់របស់ក្រុម Liverpool លេងក្នុងដី៦៨ប្រកួត បានបញ្ចប់នៅត្រឹមយប់នេះហើយ ក្រោយពីចាញ់ក្រុម Burnley ក្នុងលទ្ធផល ១-០ ពានរង្វាន់ Premier League ។
ក្រុម Liverpool មិនត្រឹមតែបញ្ចប់កំណត់ត្រានេះមួយទេ ពោលគឺ Liverpool ក៏កំពុងដុនដាបខ្លាំងនៅ៤ប្រកួតចុងក្រោយនេះដែរ ដោយមិនទាន់រកគ្រាប់បាល់បាននោះ ទេ។ វាជាកំណត់ត្រាអាក្រក់មួយក្នុងរយៈពេល២១ឆ្នាំ ដែលក្រុម Liverpool រកមិនបាន១គ្រាប់សោះ ក្នុងការលេងលីគ៤ប្រកួតជាប់គ្នា។ ស្របពេលលទ្ធផលក្នុងតារាងវិញ ក៏កំពុងចាញ់ពិន្ទុក្រុម Man Utd ដល់ទៅ ៦ពិន្ទុហើយដែរ។
សម្រាប់លទ្ធផលនេះដែរ លោក Klopp អ្នកចាត់ការក្រុម Liverpool បានប្រកាសទទួលខុសត្រូវទាំងអស់។ លោកបានបញ្ជាក់ទៀតថា ក្រុម Liverpool មិនសមចាញ់ប្រកួតនេះទេ ព្រោះវាជាប្រកួតដែលមិនសមនឹងចាញ់ទាល់តែសោះ៕ប្រភព Dailymail
