លោក Frank Lampard នឹងត្រូវអស់តំណែងរបស់ខ្លួន ប្រសិនបើដឹកនាំក្រុម Chelsea មិនអាចស្វែងរកលទ្ធផលល្អបាននាប្រកួតខាងមុខនេះ។
ថ្នាក់ដឹកនាំក្រុមតោខៀវ បានផ្ដល់ឱកាសជាច្រើនសម្រាប់អ្នកចាត់ការខាងលើនេះ ដើម្បីកែប្រែស្ថានភាពឱ្យល្អឡើងវិញ។ តែបើតាមជាក់ស្ដែង ទម្រង់លេងរបស់ក្រុម Chelsea នៅតែពិបាកដដែល ដោយបន្ដបរាជ័យ ធ្វើឱ្យក្រុមធ្លាក់ចំណាត់ថ្នាក់ខ្លាំងមែនទែន។ កត្ដានេះហើយ ទើបបានជាក្លឹបទំនងជាដកអ្នកចាត់ការរូបនេះចេញហើយ បើសិនជាប្រកួតក្រោយទៀតនៅតែចាញ់ដដែល។
ក្លឹបខាងលើនេះក៏កំពុងស្វែងរកអ្នកចាត់ការថ្មីដើម្បីចរចាឱ្យហើយផងដែរ។ ដោយក្នុងនោះ ត្រូវបានគេមើលឃើញថាអាចអតីតអ្នកចាត់ការ PSG លោក Thomas Tuchel ។ ប្រភពនៅអង់គ្លេស ក៏បង្ហើបដែរថាក្លឹប Chelsea ចង់បានអ្នកចាត់ការថ្មីដែលអាចនិយាយភាសាអាល្លឺម៉ង់បានច្បាស់ ព្រោះកីឡាករដែលទិញចូលកន្លងមកនេះ ភាគច្រើនជាជនជាតិអាល្លឺម៉ង់៕
ប្រភព៖ DailyMail