ក្រុម Real Madrid បានបរាជ័យក្រោមថ្វីជើងក្រុមលីគលំដាប់ទី៣ Alcoyano ក្នុងលទ្ធផល ២-១ សម្រាប់ការប្រកួតពានរង្វាន់ Copa del Rey ។
បរាជ័យក្រោមថ្វីជើងក្រុមខ្សោយនេះ បានធ្វើឱ្យតំណែងរបស់លោក Zidane រង្គោះរង្គើបណ្ដើរៗហើយ។ ខណៈដែលសាមីខ្លួនផ្ទាល់ Zidane ផ្ទាល់ ក៏បានចេញមុខមកអះអាងថាលោកមិនបារម្ភនោះទេ ហើយថែមទាំងប្រាប់អ្នកគាំទ្រទៀតថាអនាគតលោកនឹងដឹងច្បាស់នៅប៉ុន្មានថ្ងៃខាងមុខនេះហើយ។
អ្នកចាត់ការសញ្ជាតិបារាំងខាងលើបាននិយាយថា៖ “ខ្ញុំជាអ្នកទទួលខុសត្រូវលើលទ្ធផលនេះ។ យើងពិតជាពិបាកចិត្តសម្រាប់លទ្ធផលបរាជ័យ។ ខ្ញុំគិតថាកីឡាករនៅតែជឿជាក់លើខ្ញុំ យើងនឹងព្យាយាមបន្ថែមទៀត។ យើងបានធ្វើរឿងល្អនៅរដូវកាលនេះ ប៉ុន្តែមិនមែនថ្មីៗនេះទេ។ អនាគតខ្ញុំ? យើងនឹងដឹងនៅពេលខាងមុខ”៕
ប្រភព៖ Marca