សមាគមបាល់ទាត់អឺរ៉ុប UEFA បានធ្វើការប្រកាសនៅឈុត ១១ រូបល្អបំផុតប្រចាំឆ្នាំ ២០២០ ដែលសម្រេចតាមរយៈការបោះឆ្នោតពីសំណាក់អ្នកគាំទ្រលើគេហទំព័រផ្លូវការរបស់ខ្លួន។
ក្នុងនោះយើងឃើញឃើញថាមានការរៀបចំជាប្រព័ន្ធ ៤-២-៣-១ ដែលមើលតាំងពីតំបន់ខាងក្រោមដល់លើ គឺសុទ្ធសឹងតែកីឡាករខ្លាំងការវាយសម្រុក ព្រោះដល់ថ្នាក់ទម្លាក់ Messi មកក្រឡុកនៅតំបន់បម្រើទៅហើយ។
ក្នុងនោះមានដូចជា៖
- អ្នកចាំទី: Manuel Neuer (Bayern Munich)
- ខ្សែការពារ: Alphonso Davies (Bayern Munich), Virgil van Dijk (Liverpool), Sergio Ramos (Real Madrid) និង Joshua Kimmich (Bayern Munich)
- ខ្សែបម្រើ: Kevin de Bruyne (Man City), Thiago Alcantara (Liverpool) និង Lionel Messi (Barcelona)
- ខ្សែប្រយុទ្ធ: Neymar Jr (PSG), Robert Lewandowski (Bayern Munich) និង Cristiano Ronaldo (Juventus)
គួរបញ្ជាក់ថា នេះគឺជាលើកដំបូងសម្រាប់កីឡាករ ៣ រូបដែលមានឈ្មោះ រួមមាន Kimmich, Thiago និង Davies ហើយសម្រាប់ Davies ទៀតសោតគឺជាកីឡាករកាណាដាដំបូងទៀតផង។
ដោយឡែកសម្រាប់តារាឆ្នើម Cristiano Ronaldo ត្រូវបានជ្រើសរើសចំនួន ១៥ លើកហើយ ពោលគឺតាំងពីឆ្នាំ ២០០៧ មកម្ល៉េះ រីឯ Lionel Messi ទាំងឆ្នាំ ២០២០ គឺជាលើកទី ១២៕
ប្រភព៖ UEFA