ក្រុមសេះបង្កង់ Juventus បានយកឈ្នះនៅលទ្ធផល ២-០ ទៅលើក្រុម Napoli សម្រាប់ការប្រកួតដណ្តើមពានរង្វាន់ Super Cup ឬ Supercoppa Italiana កាលពីយប់មិញ។
វាជាការប្រកួតដ៏ស្វិតស្វាញដែលក្រុមទាំងពីរបានព្យាយាមស្វះស្វែងរកគ្រាប់បាល់រៀងខ្លួន ដោយខាង Juventus មានឱកាសស៊ុតចំគោលដៅ ៣ លើក នៅការស៊ុតចេញ ៧ លើក និងគ្រប់គ្រងបាល់ ៥៣ ភាគរយ។ រីឯ Napoli ស៊ុតចំគោលដៅ ៣ លើក គ្រប់គ្រងបាល់ ៤៧ ភាគរយ ប៉ុន្តែពុំមានការបញ្ចប់ទីរកគ្រាប់បាល់នោះទេ។
ការនាំមុខគ្រាប់បាល់កើតឡើងនៅនាទី ៦៤ ពេល Cristiano Ronaldo កាប់បាល់ពាក់កណ្តាល Volley កំឡុងការលើកបាល់ជ្រុងពីមិត្តរួមក្រុម។ ដល់នាទី ៨០ ខាង Napoli មានឱកាសតាមស្មើដោយបាល់ ១១ ម៉ែត្រ ប៉ុន្តែ Lorenzo Insigne ស៊ុតខុសគោលដៅ។ ក្រោយមកកៀកចប់ការប្រកួតនាទី ៩០+៥ ស្រាប់តែសេះបង្កង់មានឱកាសវាយបក Counter Attack លឿនៗ ដែលជាការកាត់បាល់ចេញពី Juan Cuadrado ហើយ Alvaro Morata រត់ទៅបញ្ចប់ទីបានយ៉ាងល្អ។
ទស្សនាវីដេអូខាងក្រោម៖
រំឭកថា នេះក៏ជាគ្រាប់បាល់ទី ៧៦០ សម្រាប់ Cristiano Ronaldo ដែលបាននាំមុខអតីតវីរបុរសលោក Josef Bican មួយគ្រាប់ និងក្លាយឈ្មោះជាកីឡាកររកបានគ្រាប់បាល់ច្រើនបំផុតក្នុងប្រវត្តិសាស្រ្តផងដែរ៕