តាមរបាយការណ៍ពី AS ចុះផ្សាយថា ក្លឹប Real Madrid កំពុងតែពិចារណាក្នុងការលក់ចេញ Marcelo ឲ្យទៅក្លឹប Monaco ក្រោយពីទទួលបានការចាប់អារម្មណ៍នៅពេលចុងក្រោយនេះ។
ខ្សែការពារស្លាបរបស់ស្តេចស មិនសូវបានលេងពេញជើងនោះទេ ក្រោយ Real យកបាន Ferland Mendy ហើយគេក៏លែងក្លាយជាតួឯកសំខាន់ក្រោមការដឹកនាំរបស់ Zinedine Zidane តទៅទៀតដែរ។
តាមប្រភពខាងលើចុះផ្សាយ កីឡាករប្រេស៊ីលបានទទួលសំណើពីក្លឹប Monaco លើកុងត្រារយៈពេល ៣ ឆ្នាំ ជាមួយតម្លៃពលកម្ម ៦ លានអឺរ៉ូ/រដូវកាល។
រំឭកថាកីឡាករវ័យ ៣២ ឆ្នាំបានចាយពេលនៅ Madrid រយៈពេល ១៤ ឆ្នាំមកហើយ ខណៈកុងត្រារបស់គេនៅសេសសល់សុពលភាពរយៈពេល ១៨ ខែទៀត៕ ប្រភព៖ Goal