អតីតខ្សែប្រយុទ្ធនៅក្លឹប Real Madrid គឺលោក Ronaldo Nazario បាននិយាយថា ក្លឹបបានធ្វើខុសហើយការដែលលក់ចេញកីឡាករអាហ្វ្រិក Achraf Hakimi ឲ្យទៅក្លឹប Inter Milan។
ខ្សែការពារក៏ដូចជាខ្សែបម្រើស្លាបខាងលើ បានផ្ទេរទៅ Inter Milan កាលពីថ្ងៃទី ១ កញ្ញា ឆ្នាំ ២០២០ ជាមួយតម្លៃផ្ទេរ ៤០ លានអឺរ៉ូ។ ក្លឹបអ៊ីតាលីបានចងជើងគេលើកុងត្រា ៥ ឆ្នាំ ហើយបច្ចុប្បន្នកំពុងដើរតួជាកីឡាករសំខាន់មួយរូបក្រោមការដឹកនាំរបស់លោក Antonio Conte។
តាមការបញ្ជាក់របស់ Ronaldo ប្រាប់ទៅ La Gazzetta dello Sport បែបនេះថា៖ “Achraf ជាកីឡាករដ៏លេចធ្លោមួយ ដែលក្លឹប Real Madrid បានធ្វើខុសក្នុងការរបូតគេទៅបែបនេះ”។
លោកបន្ថែមទៀតថា៖ “ពេលខ្លះខ្ញុំគិតថា វានឹងក្លាយជារឿងដ៏អស្ចារ្យមួយបើយើងបានលេងរួមគ្នា ព្រោះគេមានល្បឿនលឿនណាស់ ហើយគេជាការចុះហត្ថលេខាដ៏ជោគជ័យមួយសម្រាប់ Inter នៅរយៈពេល ១០ ឆ្នាំចុងក្រោយ”៕ ប្រភព៖ SoccerLaduma