ក្រោយចប់ការប្រកួតដែល Inter Milan បានយកឈ្នះទៅលើក្លឹប Juventus ក្រឡេកទៅមើលជើងចាស់លោក Roberto Mancini បានបង្ហាញការសាទរសម្រាប់កីឡាករ Nicolo Barella ដែលរកបានគ្រាប់បាល់ ហើយក៏បញ្ចេញសារណែនាំខ្លះៗសម្រាប់គ្រូបទពិសោធន៍ថ្មីថ្មោងគឺលោក Andrea Pirlo។
ប្រាប់នៅកិច្ចសម្ភាសន៍ជាមួយ Domenica Sportiva លោក Mancini និយាយ៖ “វាជាការប្រកួតដ៏ល្អមួយ ហើយខ្ញុំរីករាយនៅពេលដែលបានឃើញ Barella គេរកគ្រាប់បាល់ ដោយវាជារឿងល្អខ្លាំងណាស់សម្រាប់ Inter រីឯ Juventus ពួកគេលេងមិនសូវបានល្អនៅប្រកួតលើកនេះ តែវាជារឿងធម្មតាហើយក្នុងបាល់ទាត់”។
ពាក់ព័ន្ធនឹងមតិដែលមានការរិះគន់ទៅលើ Pirlo ដែលជាគ្រូបង្វឹកសេះបង្កង់ ក៏ត្រូវបានអតីតអ្នកចាត់ការនៅ Man City ខាងលើបន្ថែមទៀតថា៖ “វាជារឿងធម្មតាហើយការដែលយើងមានបញ្ហានៅចំណុចចាប់ផ្តើមដំបូងៗ ប៉ុន្តែបើទោះបីក្នុងក្រុមយើងមានកីឡាករកំពូលក៏ដោយ តែត្រូវចាំការបង្វឹកមិនដូចជាការលេងបាល់ធម្មតានោះទេ អ៊ីចឹងមានតែការពង្រឹងម្តងមួយ”៕
ប្រភព៖ AF