កាលពីប៉ុន្មានម៉ោងមុននេះ ក្លឹបបាល់ទាត់វិសាខា បានប្រកាសពីការចុះកុងត្រាខ្សែប្រយុទ្ធជម្រើសជាតិកាណាដា Marcus Haber ជាផ្លូវការ ដើម្បីត្រៀមរដូវកាលថ្មីនៃលីគកំពូលកម្ពុជា២០២១។
កីឡាកររូបនេះមានព័ត៌មានចចាមអារ៉ាមថាផ្ទេរមកភ្នំពេញក្រោនកាលពីប៉ុន្មានសប្ដាហ៍មុនដោយ ទំព័រហ្វេសបុកកីឡានានាក្នុងប្រទេសបានចុះផ្សាយអំពីរូបគេ ហើយថ្ងៃនេះបានក្លាយជាព័ត៌មានផ្លូវការហើយ។
ខ្សែប្រយុទ្ធវ័យ៣២ឆ្នាំរូបនេះមានបទពិសោធជោគជាំនៅតំបន់អឺរ៉ុប ពិសេសក្លិបបាល់ទាត់នៅប្រទេសស្កុតឡែន អង់គ្លេសព្រមក្លិបមួយចំនួនក្នុងប្រទេសកាណាដាផងដែរ។ ទោះបីជាយ៉ាងនេះក្ដី! រូបគេទទួលបានការចាប់អារម្មណ៍ពីការលេងនៅក្លិប West Brom Albion ក្នុងលីគកំពូលអង់គ្លេសប៉ុន្តែត្រូវខ្ចីជើងទៅលេងនៅក្លិបផ្សេង។
រូបគេជាកីឡាករកូតាបរទេសទីមួយដែលវិសាខាទិញចូលមកជួយក្រុមក្នុងរដូវកាល ខណៈបច្ចុប្បន្ននេះ កីឡាករបរទេសរបស់ក្លិងជើងឯកពាន Hun Sen Cup 2020 មាន៣នាក់ហើយគឺខ្សែការពារសញ្ជាតិអាហ្វ្រិកខាងត្បូង Mohammed Khan ខ្សែបម្រើសញ្ជាតិអាហ្វហ្គានិស្ថាន Mustafa Zazai និងខ្សែប្រយុទ្ធ Marcus Haberនេះឯង។ ចំណែកគីឡាករខ្មែរ ក្លិបចាយលុយមិនស្រណោះដៃមួយនេះទិញបាន ជារី ចន្ថាប៊ីន និងអ្នកចាំទី អោម ឧត្តមក្នុងលក្ខណៈខ្ចីជើង៕