នៅក្របខ័ណ្ឌ Premier League គឺមានការប្រកួតប្រជែងខ្លាំងដូចគេថាបាន ជាពិសេសនៅរដូវកាលនេះ លទ្ធផលឈ្នះចាញ់ក្នុងសប្តាហ៍នីមួយៗ គឺអាចកែប្រែចំណាត់ថ្នាក់របស់ក្រុមទាំងនោះបានយ៉ាងឆាប់រហ័ស។
ជាក់ស្តែងដូចនៅសប្តាហ៍នេះ នៅពេលដែលមាន Man Utd បានស្មើទល់ Liverpool ហើយ Man City បកស្បែក Crystal Palace ៤-០ កាលពីយប់មិញ ក៏ធ្វើឲ្យចំណាត់ថ្នាក់មានការផ្លាស់ប្តូរខ្លាំងនៅផ្នែក Top 4។
គិតត្រឹមជុំទី ១៨ United ឈរនៅលេខ ១ មាន ៣៧ ពិន្ទុ រីឯ Man City (ទើបដល់ជុំទី ១៧) មាន ៣៥ ពិន្ទុឈរលេខ ២ ស្មើនឹង Leicester City ដែលនៅដំណាលគ្នានោះ ហើយ Liverpool ធ្លាក់មកលេខ ៤ ត្រឹមមួយពព្រិចភ្នែកដែលមាន ៣៤ ពិន្ទុ។
រំឭកថាហង្សបានខកខានឱកាសរកគ្រាប់បាល់ ៣ ប្រកួតជាប់គ្នាហើយ ទើបធ្វើឲ្យពួកគេធ្លាក់មកច្រើនបែបនេះ តួយ៉ាងដូចជាបានត្រឹមស្មើទល់ Newcastle ចាញ់ Southampton និងចុងក្រោយស្មើ United៕