បន្ថែមជាមួយជ័យជម្នះកាលពីយប់មិញទៀត ខ្សែបម្រើឆ្នើម Kevin de Bruyne បានបង្កើតកំណត់ត្រានៃការ Assist បាល់ឲ្យមិត្តរួមក្រុមនៅក្លឹប Man City បានមួយទៀតហើយ។ នោះគឺការឈានដល់តួលេខទី ១០០ រាប់គ្រប់ការប្រកួតទាំងអស់។
តាមរបាយការណ៍ពី Opta បង្ហាញថា ស្ថិតិនេះកីឡាករបែលហ្សិកនាំមុខដាច់កីឡាករណាៗទាំងអស់នៅក្របខ័ណ្ឌ Premier League បើរាប់នៅថេរវេលាដែលគេផ្ទេរមកចូលរួមជាមួយ Man City។ De Bruyne បានចាកចេញពី Wolfsburg ហើយផ្ទេរមកក្រុមនៅអង់គ្លេសកាលពីឆ្នាំ ២០១៥ ជាមួយតម្លៃខ្លួន ៧៦ លានអឺរ៉ូ។
គួររំឭកថាកាលពីយប់មិញ City បានយកឈ្នះ Crystal Palace ៤-០ ហើយជាមួយជ័យជម្នះនេះក៏បន្ថែម ៣ ពិន្ទុឲ្យពួកគេឡើងឈរលេខ ២ នៅតារាង Premier League ប្រកៀកនឹង Man Utd ផងដែរ៕
ប្រភព៖ Opta