នៅការប្រកួតជុំទី ១៨ សម្រាប់ Inter Milan ពួកគេធ្វើបានយ៉ាងល្អនៅឯកីឡដ្ឋានក្នុងទឹកដី San Siro ដោយបានយកឈ្នះ ២-០ ទៅលើក្រុមភ្ញៀវ Juventus (ការប្រកួតជុំទី ១៧ សម្រាប់សេះបង្កង់)។
ជាមួយការយកបាន ៣ ពិន្ទុរុញឲ្យ Inter មាន ៤០ ពិន្ទុស្មើនឹង AC Milan នៅឯកំពូលតារាង ហើយនាំមុខក្រុមលេខ ៣/៤ Napoli/Roma ដល់ទៅ ៦ ពិន្ទុ និងនាំមុខ Juventus ៧ ពិន្ទុកាន់តែឆ្ងាយ។
ទៅមើលការប្រកួតកាលពីយប់មិញ គឺក្រុមទាំងពីរសម្រុកទៅមកប្រហាក់ប្រហែលគ្នា ប៉ុន្តែប្រព័ន្ធប្រយុទ្ធរបស់ម្ចាស់ផ្ទះធ្វើបានល្អជាង ដោយមានឱកាសស៊ុត ១៧ លើក ចំគោលដៅ ៥ លើក ហើយគ្រាប់បាល់ដំបូងធ្វើបានដោយកីឡាករ Arturo Vidal នៅនាទី ១២ មុនពេល Nicolo Barella បន្ថែមគ្រាប់បាល់មួយទៀតនៅនាទី ៥២។
ទស្សនាវីដេអូ Highlight ខាងក្រោម៖
រំឭកថា សេះបង្កង់នៅសល់ភារកិច្ចសំខាន់មួយផ្សេងទៀត នៅការប្រកួតទល់ Napoli នាថ្ងៃព្រហស្បតិ៍ទី ២១ មករាខាងមុខ ដែលជាជំនួបដណ្តើមពានរង្វាន់ Supercoppa Italiana វគ្គផ្តាច់ព្រ័ត្រ៕