• La Liga ​នឹង​​លេង​១​ប្រកួត​គ្រប់​រដូវ​កាល ​នៅ​ទឹក​ដី​អាមេរិក ប៉ុន្តែ​មិន​មែន El Clasico

    ក្រោយ​ពី​ចុះ​កុងត្រា​ជាមួយ​ខាង​ក្រុម​ហ៊ុន  Relevent ​មក ​លីគ​កំពូល​អេស្ប៉ាញ La Liga ​នឹង​ត្រូវ​លេង​១​ប្រកួត​នៅ​ទឹក​ដី​អាមេរិក ​ចាប់​ពី​រដូវ​កាល​នេះ​ត​ទៅ ​ក្នុង​កុងត្រា​រយៈ​ពេល​១៥​ឆ្នាំ។

    លីគ La Liga ​បាន​ប្រកាស​កុងត្រា​នេះ​កាល​ពី​យប់មិញ ​ដូច្នេះ​ពួកគេ​ត្រូវ​លេង​១​ប្រកួត​ជា​និច្ច​នៅ​ទឹក​ដី​អាមេរិក ​ឬ​កាណាដា។ យ៉ាងណាមិញ ​លោក Javier Tebas ​ប្រធាន La Liga ​បាន​បញ្ជាក់​ថា​នឹង​មាន​ការ​ប្រកួត​ដូច្នេះ​មែន ប៉ុន្តែ​១​ប្រកួត​នោះ​គឺ​មិនមែន​ជា​ប្រកួត​រវាង​ក្រុម Real Madrid ​និង FC Barcelona ​នោះ​ទេ។ មិន​ត្រឹម​តែ​មាន​នៅ​អាមេរិក​ឡើយ ​ប្រធាន​រូប​នេះ​ធ្លាប់​និយាយ​ឆ្នាំ​មុន​ទៀត​ថា La Liga ​អាច​នឹង​មាន​ការ​ប្រកួត​១​ប្រកួត​នៅ​ទឹក​ដី​ប្រទេស​ចិន​ថែម​ទៀត ​ប្រសិន​បើ​មាន​ការ​ចរចា​ត្រូវ​គ្នា។

    ការ​បែងចែក​ការ​ប្រកួត​ទៅ​ក្រៅ​ប្រទេស​នេះ គឺ​ជា​យុទ្ធសាស្ត្រ​ថ្មី​មួយ​របស់ La Liga ​ដើម្បី​ឱ្យ​ប្រជាប្រិយភាព​លីគ​កំពូល​អេស្ប៉ាញ​នេះ ​ល្បី​ល្បាញ និង​ដើម្បី​ប្រជែង​ជាមួយ​លីគ​អង់គ្លេស Premier League ។ ខណៈ​ដែល​តម្លៃ​កុងត្រា​១៥​ឆ្នាំ​ជាមួយ​ក្រុម Relevent ​ដែល​ជា​ក្រុម​ហ៊ុន​បង្កើត​ពាន​រង្វាន់ International Champions Cup ​នោះ ​គឺ​មិន​តម្រូវ​ឱ្យ​ដឹង​ឡើយ។

    គេ​អាច​សន្និដ្ឋាន​បាន​យ៉ាង​ច្បាស់​ថា ​ការ​បង្កើត​លីគ​នៅ​អាមេរិក​និង​កាណាដា​នេះ ​គឺ​ពួកគេ​ចង់​ឱ្យ​តំបន់​អាមេរិក​កាន់​តែ​ល្បី​ឡើង ​ក៏​ដូចជា​ត្រៀម​ខ្លួន​ដើម្បី​ធ្វើ​ជា​ម្ចាស់​ផ្ទះ​ព្រឹត្តិការណ៍ World Cup 2026 ​ខាង​មុខ​៕ប្រភព៖ DailyMail

     

     

     

     

     

     

     

    ភ្ជាប់ទំនាក់ទំនងជាមួយ CTS SPORT