អតីតអ្នកប្រដាល់ក្បាច់គុណចម្រុះ Khabib Nurmagomedov ដែលបានប្រកាសចូលនិវត្តកាលពីឆ្នាំមុន ត្រូវបានប្រធាន UFC លោក Dana White បញ្ជាក់ថា កីឡាកររុស្ស៊ីអាចនឹងសម្រេចចិត្តវិលត្រលប់មកវិញនៅពេលខាងមុខ។
Khabib បានប្រកាសដកខ្លួនពីអាជីព MMA នៅប្រកួតចុងក្រោយទល់ Justin Gaethje ក្នុងកម្មវិធី UFC 254 កាលពីខែតុលា។ ដោយឡែកសម្រាប់ប្រកួត UFC 257 រវាង McGregor និង Poirier នៅសប្តាហ៍ក្រោយនេះ អាចនឹងជាឱកាសដ៏ពិសេសក្នុងការទាក់ទាញឲ្យ Khabib វិលត្រលប់មកវិញ។
តាមការបញ្ជាក់របស់លោក White បានប្រាប់ ESPN ថា៖ “តាមពិតទៅអារម្មណ៍ដែលគេមានពេលនេះ គឺគេបានជោគជ័យគ្រប់យ៉ាងអស់ហើយ តែប្រកួតនៅថ្ងៃសោរ៍ខាងមុខដែល McGregor-Poirier និង Chandler, Hooker គឺគឺប្រាប់ខ្ញុំថា គេនឹងរង់ចាំមើលការប្រកួតនោះ ដោយចង់ឲ្យពួកគេអាចធ្វើអ្វីមួយចេញមកដោយមើលទៅអស្ចារ្យ ហើយអាចបង្ហាញពីចំណុចណាមួយដែលអាចចង់ឲ្យគេត្រលប់មកប្រកួតវិញ”។
លោកសង្កត់ធ្ងន់៖ “អ៊ីចឹងមានន័យថា ប្រសិនអ្នកទាំងនោះអាចបង្ហាញពីអ្វីដែលពិសេស នោះ Khabib នឹងទៅតតាំងការប្រកួតទល់ពួកគេនៅពេលខាងមុខ”៕
ប្រភព៖ Marca