នៅវេលាម៉ោង ២៣:៣០ នាទីយប់ ថ្ងៃអាទិត្យនៅលើទំព័រ CTS Sports នឹងមានការផ្សាយផ្ទាល់នៅជំនួបពិសេសដែលជាការជួបគ្នារវាងក្រុមឈរកំពូលតារាងទាំងពីរ គឺ Liverpool ត្រូវបើកកីឡដ្ឋាន Anfield ស្វាគមន៍ក្រុម Manchester United។
មុនឈានដល់ការប្រកួត យើងសូមធ្វើការបង្ហាញឡើងវិញនូវស្ថិតិខ្លះៗ និងរឿងរ៉ាវមួយចំនួនដែលអ្នកគាំទ្រគួរដឹង ក៏ដូចជាការព្យាករណ៍លទ្ធផលគ្រាប់បាល់។
ស្ថិតិនៃការជួបគ្នារវាងក្រុមទាំងពីរគឺកើតមាន ២០៤ លើក ហើយ Man Utd ឈ្នះច្រើនជាង ចំនួន ៨០ លើក ខណៈ Liverpool ឈ្នះ ៦៧ លើក និងស្មើ ៥៧ លើក។ លើកចុងក្រោយដែលពួកគេជួបគ្នាគឺនៅថ្ងៃទី ១៩ មករា ឆ្នាំ ២០២០ កាលនោះ Liverpool យកឈ្នះ Man Utd ២-០។
ជ័យជម្នះធំបង្អស់ដែលធ្លាប់កើតមានគឺ Liverpool បានយកឈ្នះ ៧-១ ទៅលើ Man Utd កាលពីថ្ងៃទី ១២ តុលា ឆ្នាំ ១៩៨៥ ដែលកាលនោះបិសាចក្រហមនៅជាប់ឈ្មោះចាស់ Newton Heath។ ដោយឡែកសម្រាប់កីឡាករធ្លាប់បង្ហាញខ្លួនក្នុងការប្រកួតរវាងក្រុមទាំងពីរច្រើនបង្អស់គឺ Ryan Giggs មានដល់ទៅ ៤៨ ប្រកួត ហើយចំណែក Top Scorer រួមមាន Steven Gerrard, George Wall និង Sandy Turnbull ដែលរកបាន ៩ គ្រាប់រៀងគ្នា។
បញ្ជាក់ ៤ ប្រកួតចុងក្រោយនៅ PL ដែល United ធ្លាប់តតាំង Liverpool គឺ United មិនទាន់ស្គាល់ពាក្យថា ឈ្នះ នោះទេ ដោយបានត្រឹមស្មើ ២ និងចាញ់ ២ ហើយនៅឯទីលានម.រណៈ Anfield គឺជាលទ្ធផលបរាជ័យទាំងពីរលើក។ លើកចុងក្រោយដែលបិសាចយកឈ្នះហង្សដល់ក្នុងដី គឺនៅខែមករា ឆ្នាំ ២០១៦ ដែលខកខាន ៥ ឆ្នាំមកហើយ។
មួយផ្សេងទៀតអ្វីដែលធ្វើឲ្យអ្នកគាំទ្រ United បារម្ភនៅប្រកួតនេះទៀតនោះ គឺត្រង់ថា បើទោះបីជា Liverpool ចាញ់ប្រកួតដំបូងនៅឆ្នាំ ២០២១ ហើយក៏ដោយ ប៉ុន្តែក្នុងប្រវត្តិសាស្ត្រដែលបានកត់ត្រាទុក គឺពួកគេមិនងាយចាញ់ ២ ប្រកួតជាប់គ្នាសម្រាប់ទំព័រខែដំបូងនោះទេ ពោលគឺខកខានកើតមានតាំងពីឆ្នាំ ១៩៩៣។
សរុបដូចបង្ហាញខាងលើ ទំព័រ CTS Sports សូមធ្វើការទស្សន៍ទាយថា Liverpool នឹងយកឈ្នះនៅការប្រកួតថ្ងៃអាទិត្យនេះ ជាមួយលទ្ធផល ២-១។ ចុះបងប្អូនវិញយល់ឃើញបែបណាដែរ កុំភ្លេចទម្លាក់ Comment នៅខាងក្រោមទាំងអស់គ្នាណា!