ខ្សែប្រយុទ្ធ Marcus Rashford បានអះអាងថារឿងដែលរូបគេសោកស្ដាយបំផុតក្នុងអាជីពបាលទាត់ គឺមិនបានលេងក្រោមការដឹកនាំរបស់លោក Sir Alex Fugerson ។
Rashford ជាថ្នាលយុវជនរបស់ក្រុមបិសាចក្រហម Manchester United ដែលទទួលបានជោគជ័យមែនទែន។ រូបគេ បច្ចុប្បន្ននេះបានក្លាយជាតួអង្គសំខាន់សម្រាប់ក្រុមបិសាចក្រហម ក្នុងការរកគ្រាប់បាល់ ហើយក៏បានបង្កើតជាកំណត់ត្រាផ្ទាល់ខ្លួនច្រើនផងដែរ។ ក្រៅពីវិស័យបាល់ទាត់ហើយ Rashford ក៏ទើបតែទទួលបានពានរង្វាន់កិត្តិយសមួយពីរដ្ឋាភិបាលអង់គ្លេសដែរ ចំពោះការងារសប្បុរសធម៌របស់ខ្លួនក្នុងការជួយក្មេងៗ អំឡុងពេលវិបត្តិកូវីដ១៩នេះ។
កីឡាករវ័យ២៣ឆ្នាំខាងលើ ថ្មីៗនេះបាននិយាយពីរឿងមួយគត់ដែលធ្វើឱ្យរូបគេសោកស្ដាយ គឺការមិនបានលេងក្រោមការដឹកនាំរបស់លោកតា Sir Alex ។ អតីតអ្នកចាត់ការយូរឆ្នាំរបស់បិសាចក្រហមនេះ គឺជានិមិត្តរូបរបស់ Rashford តាំងតែពីគេនៅក្មេងមកម្ល៉េះ ប៉ុន្តែសោកស្ដាយទម្រាំតែធំអាចលេងបាន គឺដល់ពេលល្មមដែលលោក Sir Alex ត្រូវចូលនិវត្តពីវិស័យបាល់ទាត់ទៅហើយ៕ប្រភព Dailymail
