ក្រុម Real Madrid បានធ្លាក់ចេញពីពានរង្វាន់ Spanish Super Cup កាលពីយប់មិញនេះ ក្រោមថ្វីជើងរបស់ក្រុម Athletic Club ក្នុងលទ្ធផល ២-១។
បរាជ័យនេះដែរ បានធ្វើឱ្យក្រុម Real Madrid ខកខានឱកាសឡើងទៅវគ្គផ្ដាច់ព្រ័ត្រដើម្បីជួប Barcelona ទៅហើយ។ ខណៈដែលការប្រកួត Cup នេះគឺមានតែ៤ក្រុមប៉ុណ្ណោះដែលចូលរួមប្រកួត។ ខ្សែប្រយុទ្ធ Asensio បានហៅបរាជ័យនៅយប់មិញនេះ ថាជាបរាជ័យដ៏ឈឺចាប់មួយសម្រាប់ក្រុម Real Madrid ព្រោះពួកគេលេងបានល្អដែរ។
កីឡាករអេស្ប៉ាញខាងលើបាននិយាយទៀតថា៖ “ពួកគេលេងបានល្អណាស់ ហើយវាពិតជាពិបាកសម្រាប់ Real Madrid ក្នុងការឈ្នះពួកគេ។ យើងពិតជាពិបាកចិត្តនិងខឹងការបរាជ័យនេះ ប៉ុន្តែនេះជាបាល់ទាត់ ហើយយើងនឹងបន្ដទៅមុខទៀត កែប្រែស្ថានភាពឱ្យល្អប្រសើរឡើងវិញ”៕ប្រភព Marca