ក្រុមអ្នកមានបុណ្យ FC Barcelona បានឡើងវគ្គផ្ដាច់ព្រ័ត្រពានរង្វាន់ Spanish Super Cup ហើយ ក្រោយពីពួកគេយកឈ្នះលើក្រុម Real Sociedad ដោយបាល់ប៉េណាល់ទីនៅយប់មិញនេះ។
សម្រាប់ការប្រកួតពានរង្វាន់ Cup នេះដែរ ក្រុមអ្នកមានបុណ្យ បានបញ្ជាក់តាំងពីមុនប្រកួតមកម្ល៉េះ ថាពួកគេមិនសូវជាចាប់អារម្មណ៍នោះទេ។ ជាក់ស្ដែងនៅយប់មិញនេះ De Jong ជាអ្នកបើកគ្រាប់បាល់ដំបូងបាន តែក៏ត្រូវក្រុម Sociedad តាមស្មើវិញ ក្នុងលទ្ធផល ១-១។ ស្មើគ្នានេះហើយ តម្រូវឱ្យក្រុមទាំងពីរស៊ុតប៉េណាល់ទីតែម្ដង។ ជាលទ្ធផល ក្រុម Barcelona ទទួលបានជ័យជម្នះលើវគ្គកាត់ក្ដីនេះ ក្នុងលទ្ធផល ៣-២។
ក្រុម Barcelona បានឡើងវគ្គផ្ដាច់ព្រ័ត្រពានរង្វាន់ខាងលើហើយ ដោយពួកគេនឹងត្រូវប៉ះក្រុម Real Madrid ឬ Athletic Bilbao ដែលត្រូវប្រកួតគ្នានៅរាត្រីនេះ។ ការប្រកួតវគ្គផ្ដាច់ព្រ័ត្រនឹងធ្វើឡើងនៅថ្ងៃទី១៧ខែមករាឆ្នាំ២០២១ខាងមុខនេះ៕ប្រភព Dailymail