Sheffield United បានស្គាល់ជ័យជម្នះលើកដំបូងនៅ Premier League រដូវកាលនេះហើយ ដោយយកឈ្នះលើក្រុម Newcastle ក្នុងលទ្ធផល ១-០ នៅយប់មិញនេះ។
ក្រុមបាតតារាង Sheffield United រង់ចាំដល់១៨ប្រកួតឯណោះ ទម្រាំស្គាល់ពាក្យថាឈ្នះ។ ដោយយប់មិញនេះ យកឈ្នះលើក្រុម Newcaslte United ក្នុងលទ្ធផល ១-០ ដោយ១គ្រាប់នោះជាការទាត់ប៉េណាល់ទីដោយកីឡាករ Billy Sharp ប្រធានក្រុមផ្ទាល់តែម្ដង។ ស្គាល់ឈ្នះ១ប្រកួតនេះ បានធ្វើឱ្យអ្នកគាំទ្រក្លឹបមួយនេះ ចាប់ផ្ដើមមានសង្ឃឹមឡើងវិញបន្តិចដែរហើយ ព្រោះនៅសល់ជើងទី២ទៀត ដើម្បីស្វែងរកពិន្ទុរក្សាខ្លួនក្នុងលីគបន្ដទៀត។
Sheffield United ឆ្លងកាត់១៨ប្រកួតមកនេះ មាន៥ពិន្ទុ ស្ថិតនៅបាតតារាងដដែល។ ពួកគេនៅគម្លាត៩ពិន្ទុពីក្រុមមានសុវត្ថិភាព ឬស្ថិតិនៅចំណាត់ថ្នាក់លេខ១៧៕
ប្រភព៖ DailyMail