Solskjaer ​ថា​ប៉ះ Liverpool ​គឺ​ជា​ការ​ប្រកួត​ចង់​ដឹង​មហិច្ឆតា​របស់ Man Utd ​

​ក្រុម​បិសាច​ក្រហម Manchester United ​បាន​ឡើង​ទៅ​ឈរ​នៅ​កំពូល​តារាង Premier League ​ហើយ ​ក្រោយ​ពី​យក​ឈ្នះ​លើ​ក្រុម Burnley ​បាន​ក្នុង​លទ្ធផល ​១-០ ​នៅ​យប់មិញ​នេះ។

​ការ​ឡើង​ទៅ​លេខ​១​នេះ​ដែរ គឺ​ដាច់​ពិន្ទុ​ក្រុម​លេខ​១ Liverpool ​ត្រឹម​៣​ពិន្ទុ ​ខណៈ​ដែល​ចុង​សប្ដាហ៍​នេះ ​ពួកគេ​នឹង​ត្រូវ​ប៉ះ​គ្នា​ទៀត​ហើយ។ ​ជំនួប​នេះ ប្រសិន​បើ Liverpool ​ឈ្នះ ​នឹង​បាន​ឡើង​ទៅ​លេខ​១​វិញ​មិន​ខាន។ យ៉ាងណាមិញ ​លោក Ole ​អ្នក​ចាត់ការ​ក្រុម​បិសាច​ក្រហម Manchester United ​ក៏​បាន​ត្រៀម​សម្រាប់​ការ​ប្រកួត​សំខាន់​ខាង​មុខ​នេះ​ដែរ។

​អ្នក​ចាត់ការ​វ័យ​ក្មេង​ខាង​លើ​នេះ​បាន​និយាយ​ថា​៖ “យើង​កំពុង​រង់ចាំ​ការ​ប្រកួត​មួយ​នោះ។ យើង​រីករាយ​សម្រាប់​ចំណាត់​ថ្នាក់​នៅ​ពេល​បច្ចុប្បន្ន។ នៅ​ពេល​នេះ​ក្រុម​របស់​យើង​កំពុង​ធ្វើ​បាន​ល្អ យើង​ដឹង​ថា​យើង​ត្រូវ​លេង​យ៉ាង​ណា។ ពួកគេ​ជា​ក្រុម​ល្អ​នៅ​អង់គ្លេស ​អាច​និយាយ​បាន​ថា​ជា​ក្រុម​ល្អ​ក្នុង​ការ​ការពារ​តំណែង​ជើង​ឯក។ វា​នឹង​ក្លាយ​ជា​ប្រកួត​មួយ ដែល​យើង​ដឹង​ថា​ក្រុម​យើង​មាន​មហិច្ឆតា​ចង់​ឈ្នះ​ពាន​កម្រិត​ណា”៕

ប្រភព៖ Goal

ភ្ជាប់ទំនាក់ទំនងជាមួយ CTS SPORT