ក្រុម Real Madrid បានឱ្យខ្សែប្រយុទ្ធ Luka Jovic ទៅលេងនៅក្លឹបដើម Frankfurt វិញហើយនាខែមករានេះ ក្រោមលក្ខខណ្ឌខ្ចីជើងដល់ចប់រដូវកាលនេះ។
Jovic មានរដូវកាលល្អបំផុតរបស់ខ្លួននៅក្រុម Frankfurt ក្នុងឆ្នាំ២០១៩កន្លងទៅ ហើយក៏ត្រូវក្រុម Real Madrid ទិញយកមកតែម្ដង។ យ៉ាងណាមិញ លេងនៅអេស្ប៉ាញ រូបគេធ្វើមិនបានល្អឡើយ រហូតដល់លោក Zidane ដាក់ឱ្យអង្គុយកៅអីបម្រុង ហើយពេលខ្លះមិនមានឈ្មោះត្រៀមប្រកួតផង។
ដោយសារតែឱកាសលេងតិចនេះហើយ ទើបមានក្លឹបជាច្រើននៅអង់គ្លេសនិងអ៊ីតាលីចាប់អារម្មណ៍ទិញយករូបគេទៅដែរ តែចុងក្រោយអធិរាជសមិនបានលក់ចេញទេ។ ពេលនេះស្រាប់តែមានដំណឹងថាបានឱ្យខ្សែប្រយុទ្ធរូបនេះទៅលេងនៅក្លឹបចាស់សិន ក្រោមលក្ខខណ្ឌខ្ចីជើងរហូតដល់ចប់រដូវកាលនេះ៕
ប្រភព៖ DailyMail