នៅការប្រកួតជុំទី ១៦ សម្រាប់ក្លឹប Atletico Madrid ពួកគេបានយកឈ្នះទៅលើក្រុមភ្ញៀវ Sevilla ដោយលទ្ធផល ២-០ ដែលជាការសម្រេចទីដោយកីឡាករ Angel Correa និង Saul Niguez។
ការប្រកួតដែលធ្វើឡើងក្នុងកីឡដ្ឋាន Estadio Wanda Metropolitano គឺក្រុមម្ចាស់ផ្ទះមិនសូវមានឱកាសប៉ុន្មានទេ ដោយគ្រប់គ្រងបាល់បានត្រឹម ៣៣ ភាគរយ តាមរយៈការស៊ុត ៥ លើក និងចូលគោលដៅ ៤ លើក រីឯក្រុមភ្ញៀវធ្វើបានដល់ទៅ ១៣ លើក តែចូលគោលដៅត្រឹម ២ លើក។
មកដល់នាទីទី ១៧ កីឡាករ Angel Correa បានបើកឆាកគ្រាប់បាល់នាំមុខ ហើយរក្សាលទ្ធផលបន្តរហូតដល់នាទី ៧៦ ទើបខ្សែបម្រើ Saul Niguez រកបានមួយគ្រាប់បន្ថែមទៀត និងបញ្ចប់លទ្ធផលត្រឹម ២-០។
ទស្សនាវីដេអូខាងក្រោម៖
ជាមួយការយកបាន ៣ ពិន្ទុរុញឲ្យក្រុមដឹកនាំដោយលោក Diego Simeone មាន ៤១ ពិន្ទុក្នុងដៃ ទាំងនៅសល់ ២ ប្រកួតទៀត ធៀបនឹងក្រុមលេខ ២ Real Madrid មកដល់ជុំទី ១៨ មាន ៣៧ ពិន្ទុ ហើយ Barcelona មាន ៣៤ ពិន្ទុ៕