ក្របខណ្ឌ Premier League រកឃើញអ្នកឆ្លងមេរោគកូវីដ១៩ថ្មីរហូតដល់ទៅ៣៦នាក់ទៀតឯណោះសម្រាប់ការធ្វើតេស្ដនៅដើមសប្ដាហ៍នេះ។
កាលពីសប្ដាហ៍មុន លីគកំពូលអង់គ្លេសនេះរកឃើញអ្នកឆ្លងដល់ទៅ៤០នាក់ឯណោះ និងមានការប្រកួតជាច្រើនត្រូវលើក ឬប្រើប្រាស់តែយុវជន ដូចករណីរបស់ក្រុម Aston Villa ជាដើម។ ដោយឡែកនៅសប្ដាហ៍នេះក៏មិនមានអ្វីខុសគ្នាច្រើនដែរ ការប្រកួតរបស់ក្រុម Aston ប៉ះជាមួយ Spurs ត្រូវបានលើកពេលទៅហើយ។
រដ្ឋាភិបាលអង់គ្លេស បានប្រកាសឱ្យលីគនៅលេងបន្ដបាន ប៉ុន្តែត្រូវធ្វើតេស្ដឱ្យបានទៀងទាត់បំផុត។ ជាក់ស្ដែង១សប្ដាហ៍ត្រូវធ្វើតេស្ដឱ្យបាន២ដង និងតាមដានសុខភាព មិនឱ្យចេញទៅក្រៅខុសច្បាប់នោះទេ៕
ប្រភព៖ DailyMail