តាមរបាយការណ៍ពី Daily Star ចុះផ្សាយថា ក្លឹបតោខៀវ Chelsea ក៏បានត្រៀមកញ្ចប់ថវិការួចរាល់ហើយដែរ ជុំវិញការចង់បានខ្សែការពារ Dayot Upamecano ពីក្លឹប RB Leipzig។
ក្រុមដឹកនាំដោយលោក Frank Lampard ត្រូវបានគេដឹងថា បានបង្ហាញការចាប់អារម្មណ៍នៅប៉ុន្មានម៉ោងមុននេះ ដោយហ៊ានដាក់តម្លៃ ៤៥ លានអឺរ៉ូ តាមប្រជែងក្លឹបធំៗជាច្រើនដូចជា Real Madrid, Liverpool, PSG និង Bayern Munich ដែលសម្លឹងឃើញកីឡាករវ័យ ២២ ឆ្នាំដែរនោះ។
បញ្ជាក់ថា ខ្សែការពារកណ្តាលរូបនេះ មានភាគរយតិចណាស់ដែលអាចនឹងបន្ត ព្រោះតាមស្ថានភាពពេលនេះគេកំពុងស្ថិតក្នុងជម្រើសជាច្រើនពីសំណាក់ក្លឹបយក្សធំៗនៅតំបន់អឺរ៉ុប។ Upmecano ចាយពេល ៥ រដូវកាលហើយជាមួយ RB Leipzig ជាមួយការបង្ហាញខ្លួនសរុប ១៣៤ ប្រកួត៕
ប្រភព៖ BeSoccer