ក្លឹប Atletico Madrid ឈានដល់កិច្ចព្រមព្រៀងនាំយកកីឡាករ Moussa Dembele ពីក្រុមLyon ទៅរួមក្រុមហើយ ដើម្បីជំនួសតំណែងរបស់ Diego Costa ។
Costa បានស្នើសុំ AT Madrid ដើម្បីផ្ដាច់កុងត្រារបស់គេចោល ហើយខាងក្លឹបក៏យល់ព្រម និងសម្រេចថាលែងមានអ្វីពាក់ព័ន្ធនឹងគ្នាទៀត។ ដោយសារតែខ្វះខ្សែប្រយុទ្ធម្នាក់នេះហើយ ទើបបានជាក្រុមរបស់លោក Simeone ស្វែងរកកីឡាករមកជំនួស។ ក្រោយពីចរចាគ្នាជាច្រើនមក ពេលនេះក្លឹបនៅអេស្ប៉ាញនេះ បានសម្រេចយក Dembele មករួមក្រុមហើយ។
តម្លៃខ្លួនរបស់គេអាចជា៣៣លានផោន ឬអាចមានករណីខ្ចីជើងរហូតដល់ចប់រដូវកាលនេះសិន ទើបទិញផ្ដាច់ក៏បាន។ ខ្សែប្រយុទ្ធខាងលើនេះ នឹងទៅដល់អេស្ប៉ាញនៅពេលខាងមុខនេះ៕ប្រភព Marca
