ក្រុម Leeds United បានបរាជ័យក្រោមថ្វីជើងក្រុម Crawley Town ដល់ទៅ ៣-០ ឯណោះសម្រាប់ការប្រកួតពានរង្វាន់ FA Cup នៅយប់មិញនេះ។
បរាជ័យក្រោមថ្វីជើងក្រុមកម្រិតទាបនេះ បានធ្វើឱ្យលោក Bielsa អ្នកចាត់ការក្រុម Leeds United មិនសប្បាយចិត្តនោះទេ។ អ្នកចាត់ការចាស់វស្សានិងសំបូរបទពិសោធខាងលើនេះបាននិយាយក្រោយចប់ការប្រកួតថា៖ “លទ្ធផលបានបង្ហាញច្បាស់ថាយើងពិតជាពិបាកចិត្តនិងអស់សង្ឃឹមមែនទែន។ យើងមិនបានធ្វើតាមអ្វីដែលយើងគ្រោងទុកទេ ខណៈដែលដៃគូរបស់យើង គេពិតជាចាប់យកឱកាសបានយ៉ាងល្អ”។
សូមបញ្ជាក់ថានេះជាលើកដំបូងសម្រាប់ក្រុមCrawley Town ហើយដែលអាចយកឈ្នះលើគូប្រកួតនៅលីគកម្រិតលើបាន៕ប្រភព Dailymail
