ក្រុម Spurs បានយកឈ្នះលើក្រុម Marine ក្នុងលទ្ធផល ៥-០ សម្រាប់ការប្រកួតពានរង្វាន់ FA Cup កាលពីយប់មិញនេះ។
Marine ជាក្រុមបាល់ទាត់មួយស្ថិតក្នុងកម្រិតតំបន់ប៉ុណ្ណោះ ហើយការបានលេងទល់ក្រុម Spurs នេះគឺជាកិត្តិយសខ្លាំងណាស់សម្រាប់ពួកគេ។ ចប់ការប្រកួតនៅយប់មិញនេះទៅ សមាជិកក្រុម Marine សប្បាយចិត្តមែនទែន ហើយក៏បានស្នើសុំអាវរបស់ក្រុម Spurs ផងដែរ។
តែដោយសារច្បាប់កូវីដ១៩ មិនតម្រូវឱ្យមានការប្ដូរអាវដែលពាក់ហើយ ទើបបានជាក្រុម Spurs សម្រេចចិត្តយកអាវថ្មីដើម្បីឱ្យខាងក្រុម Marine ទាំងអស់គ្នាតែម្ដង។ ដោយនេះជាទឹកចិត្តមួយសម្រាប់កីឡាករ Spurs ដល់ក្លឹបបាល់ទាត់ក្នុងកម្រិតតំបន់មួយនេះ៕ប្រភព Football