នៅការប្រកួតក្នុងក្របខ័ណ្ឌ Bundesliga របស់អាល្លឺម៉ង់កាលពីយប់មិញ ក្រុម FC Schalke 04 បានយកឈ្នះ ៤-០ ទៅលើក្រុម Hoffenheim ដែលនេះជាជ័យជម្នះលើកដំបូងសម្រាប់ពួកគេនៅរដូវកាល ២០២០/២១។
នៅ ១៥ ប្រកួត ក្រុមឈរចំណាត់ថ្នាក់ទី ១៧ ខាងលើ ឈ្នះតែ ១ ស្មើ ៤ និង ចាញ់ ១០ ហើយមាន ៧ ពិន្ទុគត់ ដែលប្រឈមខ្ពស់ត្រូវកាត់ឈ្មោះធ្លាក់ទៅលីគលំដាប់ទីពីរនៅរដូវកាលក្រោយ។
យ៉ាងណាមិញជាមួយជ័យជម្នះកាលពីយប់មិញ គឺជាចំណែកដ៏ធំធេងរបស់កីឡាករ Mattew Hoppe ហើយគេក៏បានក្លាយជាកីឡាករអាមេរិកទី ១ ដែលអាចរកបាន Hat-Trick នៅប្រវត្តិសាស្រ្តក្របខ័ណ្ឌ Bundesliga និងបានជួយឲ្យក្រុមស្គាល់ជ័យជម្នះក្នុងលីគជាលើកដំបូង សម្រាប់ ៣១ ប្រកួតចុងក្រោយ។
រំឭកថា ជាមួយជ័យជម្នះនេះ អតីតកីឡាករនៅ Schalke ដែលមានសញ្ជាតិអាមេរិកដូចគ្នា នោះគឺ Weston McKennie ក៏បានបង្ហោះវីដេអូអបអរសាទរដល់ជ័យជម្នះលើកដំបូងសម្រាប់ក្រុមខាងលើផងដែរ៕
ប្រភព៖ BR/Football