Victor Moses បានប្រកាសចូលនិវត្តពីក្រុមជម្រើសជាតិនីហ្សេរីយ៉ាហើយ ត្រឹមវ័យ២៧ឆ្នាំប៉ុណ្ណោះ ក្រោមហេតុផលចង់មានពេលច្រើនជាមួយគ្រួសារ និងផ្តោតអារម្មណ៍ជាមួយក្លឹប Chelsea ។
ខ្សែការពារខាងលើនេះ ចូលលេងឱ្យជម្រើសជាតិនីហ្សេរីយ៉ា បាន៣៧ប្រកួត និងរកគ្រាប់បាល់បាន១២គ្រាប់ផងដែរ។ ពានរង្វាន់ធំដែលរូបគេបានចូលលេងគឺនៅ World Cup 2014 និង 2018 ដែលទើបតែបញ្ចប់ទៅនេះ។ Moses បាននិយាយពាក្យលាជម្រើសជាតិនៅយប់មិញ ដោយខ្លួនប្រកាសចូលនិវត្តព្រោះចង់ទុកឱកាសឱ្យកីឡាករចំណូលមានបទពិសោធ។
មួយវិញទៀត រូបគេចង់មានពេលវេលាគ្រប់គ្រាន់សម្រាប់គ្រួសារ និងក្រុម Chelsea ។ ខណៈដែលការចាកចេញនេះទៀតសោត រូបគេបានប្រាប់ទៅអ្នកចាត់ការជម្រើសជាតិរួចរាល់ហើយ និងបានពិភាក្សាគ្នាយ៉ាងល្អិតល្អន់មុនធ្វើការសម្រេចចិត្ត។ ជាចុងក្រោយ Moses សង្ឃឹមថាថ្នាលជំនាន់ក្រោយរបស់នីហ្សេរីយ៉ា នឹងជួយក្រុមជម្រើសជាតិកាន់តែល្អមួយកម្រិតទៀត៕ប្រភព៖ DailyMail