ក្រុម FC Barcelona បានយកឈ្នះលើក្រុម Granada ក្នុងលទ្ធផល ៤-០ សម្រាប់ការប្រកួតពានរង្វាន់ La Liga នៅយប់មិញនេះ។
ក្រោយពីរង្គោះរង្គើមួយរយៈមកនេះ ក្រុមអ្នកមានបុណ្យហាក់ដូចជារកឃើញទម្រង់លេងល្អរបស់ខ្លួនឡើងវិញហើយ។ ជាក់ស្ដែងនៅយប់មិញនេះ បានយកឈ្នះលើក្រុម Granada ដល់ទៅ៤គ្រាប់ឯណោះ ដោយ៤គ្រាប់នោះរកបានដោយ Griezmann ២គ្រាប់ និង Lionel Messi ចំនួន២គ្រាប់។
ក្រោយពីមើលឃើញថាក្រុមលេងបានល្អឡើងវិញនេះហើយ លោក Ronald Koeman ស្រាប់តែបោះសម្ដីភ្លាមថាក្រុមរបស់លោកមានសមត្ថភាពប្រជែងយកពានរង្វាន់បាន ប្រសិនបើពួកគេបន្ដលេងល្អបែបនេះ។ លោក និយាយថា៖ “Barcelona ត្រូវការ Leo ព្រោះគាត់ពិតជាសំខាន់ក្នុងការប្រកួត និងផ្ដល់ផលវិជ្ជមានច្រើនណាស់ដល់ក្រុម។ យើងត្រូវការគាត់ដើម្បីប្រយុទ្ធយកពានរង្វាន់”៕
ប្រភព៖ DailyMail