ខ្សែប្រយុទ្ធ Eden Hazard បានជាសះស្បើយពីរបួសហើយ ប៉ុន្តែមិនទាន់អាចបង្ហាញទម្រង់លេងល្អ និងពេញលេញ១០០%នោះទេ ដោយត្រូវមើលតាមពេលវេលាសិន។
ក្នុងការប្រកួតនាចុងសប្ដាហ៍នេះវិញ លោក Zidane អ្នកចាត់ការក្រុម Real Madrid បាននិយាយដែរថា៖ “ខ្ញុំមិនទាន់ដឹងច្បាស់ទេថាគាត់អាចលេងបានដល់៩០នាទី។ យើងនឹងទៅម្ដងបន្តិចៗ គាត់នៅជាមួយយើងនឹងបានហ្វឹកហាត់ដិតដល់។ យើងនឹងបានឃើញសម្រាប់ការប្រកួតនៅយប់នេះ”។
ក្រុម Real Madrid កំពុងឈរនៅលេខ២ក្នុងតារាង La Liga ដោយចាញ់ពិន្ទុក្រុម AT Madrid ២ពិន្ទុ ហើយនៅសល់ការប្រកួតក្នុងដៃដល់ទៅ២ប្រកួតទៀតឯណោះ។ កត្ដាដាច់ឆ្ងាយនេះហើយ ទើបធ្វើឱ្យគ្រប់ការប្រកួតទាំងអស់ លោក Zidane បានដាក់ថាជាការប្រកួតផ្ដាច់ព្រ័ត្រមិនអាចបរាជ័យបាននោះទេ៕ប្រភព Marca