ក្រុមហង្សក្រហម Liverpool បានយកឈ្នះលើក្រុម Aston Villa ក្នុងលទ្ធផល ៤-១ សម្រាប់ការប្រកួតពានរង្វាន់ FA Cup នៅយប់មិញនេះ។
សម្រាប់ការប្រកួតនេះដែរ ម្ចាស់ផ្ទះ Aston Villa ប្រើប្រាស់តែឈុតយុវជនប៉ុណ្ណោះ ដោយសារតែកីឡាករក្រុមធំរបស់ខ្លួនឆ្លងមេរោគកូវីដ១៩ស្ទើរតែទាំងអស់ទៅហើយ។ ដាក់ក្មេងៗនេះហើយ ទើបធ្វើឱ្យក្រុមហង្សក្រហម Liverpool មានឱកាសក្នុងការគ្រប់គ្រងការប្រកួតនេះ រហូតរកគ្រាប់បាល់បានដល់ទៅ ៤គ្រាប់ទល់នឹង១គ្រាប់ប៉ុណ្ណោះ។
នេះជាការសងសឹកវិញផងដែរសម្រាប់ក្រុម Liverpool ដោយសារតែទឹកដី Aston Villa នេះកាលពីខែតុលាឆ្នាំ២០២០កន្លងទៅ ពួកគេបានបំបាក់ក្រុមរបស់លោក Klopp ដល់ទៅ ៧-២ ឯណោះ៕ប្រភព Dailymail
