លោក Zidane អ្នកចាត់ការក្រុម Real Madrid កំពុងស្ថិតនៅដោយឡែក ក្រោយពីលោកបានប៉ះពាល់ជាមួយអ្នកមានផ្ទុកមេរោគកូវីដ១៩។
ការធ្វើតេស្ដលើកទី១របស់លោកចេញមកអវិជ្ជមាន ប៉ុន្តែត្រូវនៅដោយឡែកសិនមិនអាចដឹកនាំក្រុមហ្វឹកហាត់បានទេកាលពីម្សិលមិញ។ មួយវិញទៀតការប្រកួតនាពេលខាងមុខនេះ ក៏លោកមិនអាចឈរបញ្ជាកូនក្រុមបានដែរ។ លោកត្រូវការពេល១០ថ្ងៃដើម្បីនៅដោយឡែកសិន តាមដានក្រែងមានឆ្លងមេរោគកូវីដ១៩។
នេះមានន័យថាក្រុម Real Madrid នឹងលេងដោយគ្មានវត្តមានអ្នកចាត់ការរបស់ខ្លួន ក្នុងការប្រកួតទល់ក្រុម Osasuna នាចុងសប្ដាហ៍នេះ និងការប្រកួតទល់ក្រុម Athletic Club ក្នុងពានរង្វាន់ Supercopa de Espana នៅថ្ងៃព្រហស្បតិ៍សប្ដាហ៍ក្រោយ៕
ប្រភព៖ Marca