ជារឿងមិនគួរឱ្យជឿមួយដែលក្រុម Atletico Madrid លេងចាញ់ក្រុម Cornella នៅលីគទី៣ ក្នុងលទ្ធផល ១-០ សម្រាប់ការប្រកួតពានរង្វាន់ Copa del Rey ។
AT Madrid ប៉ុន្មានឆ្នាំមកនេះ ពិតជាពិបាកលេងមែនទែនក្នុងពានរង្វាន់ Cup របស់អេស្ប៉ាញ ពោលគឺពួកគេតែងតែបរាជ័យក្រោមថ្វីជើងក្រុមខ្សោយៗជានិច្ច។ ជាមួយគ្នានេះដែរ ក្រោយពីបរាជ័យក្រោមថ្វីជើងក្រុម Cornella មក ពេលនេះលោក Simeone អ្នកចាត់ការក្រុម AT Madrid ថាត្រូវស្វែងរកហេតុផលសមស្របមួយហើយចំពោះបញ្ហាកើតឡើងដដែលៗនេះ។
Simeone បាននិយាយថា៖ “យើងនឹងមើលទៅលើដំណោះស្រាយសម្រាប់រដូវកាលក្រោយ បើសិនជាខ្ញុំនៅទីនេះបន្ដទៀត។ បាល់ទាត់ពិតជាផ្លាស់ប្ដូរច្រើនណាស់ ប៉ុន្តែអ្នកត្រូវបើកចិត្តដើម្បីទទួលវា។ យើងត្រូវតែទទួលចំពោះអ្វីដែលក្លឹបនឹងសម្រេចចិត្ត”៕
ប្រភព៖ Marca