ការប្រកួតពានរង្វាន់ EFL Cup ឬ Carabao Cup បានឈានមកដល់វគ្គផ្តាច់ព្រ័ត្រហើយ ដោយក្រុម Tottenham Hotspur បានកក់កៅអីកាលពីយប់មិញ ហើយនៅរង់ចាំគូប្រជែងរបស់ខ្លួនរវាងក្លឹប Man City និង Man Utd។
តើអ្នកធ្លាប់ដឹងទេថា នៅការប្រកួតពានមួយនេះ ក្រុមដែលឈ្នះជើងឯកនឹងទទួលបានប្រាក់រង្វាន់ប៉ុន្មាន? បើតាមការឲ្យដឹងពីប្រភពគេហទំព័រក្រៅស្រុក សម្រាប់ពាន EFL Cup ក្រុមឈ្នះជើងឯកបានប្រាក់រង្វាន់តែ ១០០ ០០០ ផោនឬជាង ១៣៦ ០០០ ដុល្លារប៉ុណ្ណោះ ហើយក្រុមលេខ ២ បាន ៥០ ០០០ ផោន ឬជាង ៦៨ ០០០ ដុល្លារ។
ទំហំប្រាក់រង្វាន់នេះ គឺទាបជាងឆ្ងាយបើធៀបនឹងការប្រកួតនៅពានខ្នាតធំដូចជា Premier League ឬ Champions League និង Europa League ជាដើម បានដល់ខ្ទង់រាប់លានផោនឯណោះ។ ប៉ុន្តែបើនិយាយពីចំណូលដែលក្លឹបទទួលបានពីការលក់សំបុត្រ ក៏ច្រើនគួរសមដែរ ប្រសិនណាអនុញ្ញាតឲ្យមានអ្នកគាំទ្រចូលទស្សនាក្នុងកីឡដ្ឋានវិញ៕
ប្រភព៖ Sportekz