ក្លឹប Manchehster City ត្រូវបានគេរាយការណ៍ថា ព្រមផ្តល់កុងត្រាថ្មីរយៈពេល ៥ ឆ្នាំបន្ថែមទៀតដល់កីឡាករ Kevin de Bruyne ប៉ុន្តែចម្លើយពីការសម្រេចចិត្ត គឺមិនយល់ព្រមនោះទេ។
នោះក៏ដោយសារតែក្នុងកុងត្រាថ្មី ដែលមានសុពលភាពដល់ឆ្នាំ ២០២៨ សម្រាប់កីឡាករបែលហ្សិក គេទទួលបានថ្លៃពលកម្មទាបជាងមុន ទើបគេបដិសេធមិនទម្លាក់ចុងប៊ិចចុះហត្ថលេខា។
យ៉ាងណាមិញនៅពីក្រោយនោះក៏ដោយសារមានហេតុផលសំខាន់មួយដូចគ្នា មូលហេតុដែល City កាត់បន្ថយថ្លៃពលកម្ម De Bruyne ព្រោះចង់ទាញការចំណាយខ្លះមកប៉ះប៉ូវលើការចរចាថ្លៃពលកម្មជាមួយ Lionel Messi។
ជារួមប្រសិន Man City ចាយ ២៨០ ០០០ ផោន/សប្តាហ៍សម្រាប់ De Bruyne ហើយថែមដល់ជិត ១ លានផោនសម្រាប់ Messi ទៀតនោះ វាគឺជាបញ្ហាស្មុគស្មាញមួយសម្រាប់ City ដែលត្រូវទទួលបន្ទុកក្នុងវិបត្តិសេដ្ឋកិច្ចដោយសារជំងឺរាតត្បាត COVID-19៕
ប្រភព៖ SportBible