Real Madrid បានយកបរាជ័យក្រោមថ្វីជើង Atletico Madrid ៤-២ នាការប្រកួតពានរង្វាន់បើករដូវកាល UEFA Super Cup យប់មិញនេះ។
អធិរាជស ដែលបាត់បង់ខ្សែប្រយុទ្ធឆ្នើម Cristiano Ronaldo មិនអាចធ្វើអ្វីក្រុមជិតខាង AT Madrid បានឡើយ ពោលគឺត្រឹមបញ្ចប់ក្នុងលទ្ធផល ២-២ នៅ៩០នាទី។ ឈានដល់ម៉ោងបន្ថែម២ដង ក្រុមរបស់លោក Simeone រកបាន២គ្រាប់បន្ថែមទៀត ដើម្បីយកឈ្នះលើ Real Madrid លើកពាន Super Cup យប់មិញនេះតែម្ដង។
បរាជ័យយប់មិញនេះដែរ លោក Lopetegui ដែលជាអ្នកចាត់ការថ្មីរបស់ក្លឹប Real Madrid ទទួលបានកំណត់ត្រាអាក្រក់មួយហើយ ដោយជាប់ឈ្មោះជាអ្នកចាត់ការដំបូងដែលរបូត៤គ្រាប់ក្នុងការដឹកនាំប្រកួតផ្លូវការទីមួយគិតចាប់ពីឆ្នាំ១៩៤៨មក៕ប្រភព៖ DailyMail