Di Stefano៖ “Pele ល្អ​ជាង Ronaldo និង Messi”

អតីត​ស្តេច​បាល់ទាត់​លោក Pele ត្រូវ​បាន​ជើង​ចាស់​លោក Alfredo Di Stefano របស់​ក្លឹប Real Madrid ​បង្ហាញ​ការ​យល់​ឃើញ​ថា មាន​គុណភាព​លេង​ល្អ​ជាង​តារា​ឆ្នើម​បច្ចុប្បន្ន​ទាំង​ពីរ​គឺ Cristiano Ronaldo និង Lionel Messi។

រំឭក​ដល់​សម្រង់​សម្តី​ដែល​លោក Stefano ធ្លាប់​បាន​និយាយ៖ “Messi និង Cristiano Ronaldo គឺ​សុទ្ធ​តែ​ជា​កីឡាករ​ល្អ ​ប៉ុន្តែ Pele គឺ​ល្អ​ជាង”។

លោក​បន្ថែម​ទៀត​ថា៖ “Messi បើ​និយាយ​ពី​តាក់តិក​គេ​ល្អ​ជាង Ronaldo ជា​ពិសេស​នៅ​ក្នុង​ប្រអប់ ក៏​ដូច​ជា​ស្ថានភាព​នៃ​ការ​គ្រប់គ្រង​និង​បណ្តើរ​បាល់ មើល​ទៅ​គេ​ហាក់​រីករាយ​នឹង​ការ​លេង​របស់​គេ​ជា​ខ្លាំង”។

“ស្រប​ពេល​ដែល Cristiano គេ​មាន​កាយសម្បទា​ល្អ​ជាង Messi ហើយ​រឹងមាំ​ខ្លាំង​បំផុត មួយ​ទៀត​គេ​ក៏​បាន​ល្បឿន​លឿន និង​ជា​កីឡាករ​ដែល​ពោរពេញ​ដោយ​ការ​បំផុស​ទឹកចិត្ត បន្ថែម​នឹង​ការ​អាច​បញ្ចប់​ទី​នៅ​ជើង​ទាំង​សង​ខាង”៕

ប្រភព៖ SportBible

ភ្ជាប់ទំនាក់ទំនងជាមួយ CTS SPORT