លោក Jose Mourinho បានចាត់ទុកការប្រកួតទល់ក្រុម Brentford នៅរាត្រីនេះ គឺជារឿងសំខាន់បំផុត ដែលទាមទារជ័យជម្នះដាច់ខាត ក្នុងពានរង្វាន់ Carabao Cup វគ្គពាក់កណ្ដាលផ្ដាច់ព្រ័ត្រ។
អ្នកចាត់ការក្រុម Spurs ខាងលើនេះ បាននិយាយថា៖ “វាជាការប្រកួតធំរបស់ក្រុម Spurs ? បាទ វាពិតជាត្រឹមត្រូវហើយ។ យើងខកខានលើកពានរង្វាន់ជាច្រើនឆ្នាំមកហើយ ហើយនេះជាឱកាសរបស់យើងក្នុងការប្រកួតដ៏សំខាន់នេះ។ ពាន Premier League សំខាន់ហើយ តែវគ្គពាក់កណ្ដាលផ្ដាច់ព្រ័ត្ររឹតតែសំខាន់ថែមទៀត។ យើងត្រូវឈ្នះដើម្បីវគ្គផ្ដាច់ព្រ័ត្រ”។
រំលឹកថារយៈពេល១៣ឆ្នាំមកហើយ ដែលក្រុម Spurs មិនបានលើកពានរង្វាន់អ្វីសោះ។ ពួកគេលើកពានចុងក្រោយនៅឆ្នាំ២០០៨ ជាពានរង្វាន់ Carling Cup ឬហៅថា Carabao Cup នាពេលបច្ចុប្បន្ននេះហើយ៕ប្រភព Dailymail