ក្រុម Liverpool បានបរាជ័យដោយសារក្រុម Southampton ក្នុងលទ្ធផល ១-០ សម្រាប់ការប្រកួតពានរង្វាន់ English Premier League នៅយប់មិញនេះ។
ម្ចាស់ផ្ទះ Southampton រកគ្រាប់បាល់នាំមុខបានមុនតាំងពីនាទីទី២ដើមតង់ទី១ ហើយក្រុមភ្ញៀវព្យាយាមសម្រុកវិញដែរ តែឱកាសមិនមានដើម្បីរកបានគ្រាប់បាល់នោះទេ។ ចប់ការប្រកួតក្រុមរបស់លោក Klopp ស្គាល់បរាជ័យទៀតហើយ សម្រាប់សប្ដាហ៍ទី១៧នេះ។
ក្រោយពីចប់ការប្រកួតទៅ លោក Klopp មើលឃើញថាកូនក្រុមបានបង្កកំហុសច្រើនសម្រាប់ការប្រកួតនេះ។ វានឹងក្លាយជាកង្វល់សម្រាប់ក្រុមទាំងមូលតែម្ដង ខណៈដែលពួកគេប្រកួតបន្ទាប់ត្រូវតតាំងជាមួយក្រុមកំពុងឡើងជើង Manchester United ថែមទៀតនោះ៕ប្រភព Dailymail