លោក Jurgen Klopp មិនទាន់ច្បាស់ថានឹងត្រូវចំណាយប្រាក់ដើម្បីទិញខ្សែការពារកណ្ដាលមកបន្ថែមទៀត ឬយ៉ាងណានោះទេ សម្រាប់ទីផ្សារដោះដូរកីឡាករនៅខែមករាឆ្នាំ២០២១នេះ។
Liverpool នារដូវកាលនេះរបួសកីឡាករសំខាន់ច្រើន ជាក់ស្ដែងពួកគេលេងដោយមិនមានខ្សែការពារល្អៗដូចជា Virgil van Dijk, Joe Gomez និង Joel Matip ច្រើនប្រកួតមកហើយ។ តែបើទោះជាអវត្តមានកីឡាករខ្សែការពារល្អៗនេះមែន ប៉ុន្តែសម្រាប់លោក Klopp នៅតែអាចឈរនៅកំពូលតារាងដដែល។
លោក Klopp បាននិយាយសម្រាប់ទីផ្សារខែមករានេះថា៖ “យើងមានដំណោះស្រាយក្នុងក្រុមរបស់យើង នៅពេលយើងកំពុងជួបផលលំបាកដោយបញ្ហារបួស។ ភាគច្រើនគឺនៅតំបន់កណ្ដាលតែម្ដង វាបានចាប់ផ្ដើមតាំងពីបើករដូវកាលមកនេះ។ យើងមានដំណោះស្រាយមែន ប៉ុន្តែប្រសិនបើយើងអាចធ្វើអ្វីខ្លះនៅពេលទីផ្សារនេះក៏ជារឿងល្អ តែខ្ញុំមិនច្បាស់ថានឹងមានដោះដូរនោះទេ”៕ប្រភព Goal