ខ្សែប្រយុទ្ធ Luis Suarez ស៊ុតចុងម៉ោងជួយក្រុម Atletico Madrid យកឈ្នះលើក្រុម Alaves ក្នុងលទ្ធផល ២-១ ដើម្បីឡើងទៅឈរនៅកំពូលតារាង La Liga វិញហើយ។
Llorente ជាអ្នករកគ្រាប់បាល់ឱ្យក្រុមរបស់លោក Simeone នាំមុខលើម្ចាស់ផ្ទះ Alaves នៅនាទី៤១ចុងតង់ទី១។ តែឈានដល់តង់ទី២ ក្រុម Alaves ក៏ព្យាយាមសម្រុកវិញរហូតដល់ទទួលបាន១គ្រាប់តាមស្មើដោយបាល់ចូលទីខ្លួនឯងរបស់ខ្សែការពារ Felipe នៅនាទី៨៤។ ការប្រកួតជិតនឹងចប់ទៅហើយ នាទី៩០ ក៏ស្រាប់តែ Suarez ស៊ុតបាន១គ្រាប់ទៀតឱ្យ AT Madrid ដើម្បីយកឈ្នះក្នុងលទ្ធផល ២-១។
ទទួលបាន៣ពិន្ទុបន្ថែមទៀតនេះហើយ បានធ្វើឱ្យ AT Madrid ហក់ទៅឈរនៅលេខ១វិញហើយ ដោយមាន៣៨ពិន្ទុ ឆ្លងកាត់១៥ប្រកួត ស្របពេលក្រុមលេខ២ Real Madrid វិញមាន៣៦ពិន្ទុ ឆ្លងកាត់១៧ប្រកួត៕ប្រភព Marca