ខ្សែប្រយុទ្ធ Cristiano Ronaldo បានបំបែកកំណត់ត្រារបស់វីរបុរសបាល់ទាត់ Pele បានបាត់ទៅហើយកាលពីយប់មិញនេះ ក្រោយពីរកបាន២គ្រាប់បន្ថែមទៀត។
ក្រុម Juventus បានយកឈ្នះលើក្រុម Udinese ក្នុងលទ្ធផល ៤-១ ក្នុងការប្រកួតលីគកំពូលអ៊ីតាលីនៅយប់មិញនេះ។ ដោយក្នុងចំណោម៤គ្រាប់នោះ សម្រេចបានដោយ Ronado ២គ្រាប់ផងដែរ។ បូកបន្ថែម២គ្រាប់នេះទៀតហើយ ខ្សែប្រយុទ្ធព័រទុយហ្គាល់ខាងលើនេះ សរុបគ្រាប់បាល់បានដល់ទៅ ៧៥៨គ្រាប់ហើយ។
ដោយចំនួនគ្រាប់បាល់នេះ បានធ្វើឱ្យ Ronaldo រកគ្រាប់បាល់សរុបលើស Pele បាត់ទៅហើយ ដោយវីរបុរសបាល់ទាត់ប្រេស៊ីលរូបនេះមានគ្រាប់បាលសរុបតែ៧៥៧គ្រាប់ប៉ុណ្ណោះ។ ខ្សែប្រយុទ្ធ Juventus កំពុងស្ថិតនៅលេខ២ក្នុងតារាងអ្នករកគ្រាប់បាល់បានច្រើនបំផុត ដោយកំណត់ត្រាអ្នកលេខ១ Josef Bican មាន៧៥៩គ្រាប់៕ប្រភព Dailymail