ក្រុម Manchester City បានយកឈ្នះលើក្រុមតោខៀវ Chelsea ក្នុងលទ្ធផល ៣-១ សម្រាប់ការប្រកួតពានរង្វាន់ English Premier League នៅយប់មិញនេះ។
គ្រាន់តែតង់ទី១ ក្រុមរបស់លោក Pep អាចរកគ្រាប់បាល់បានដល់ទៅ៣គ្រាប់ហើយ ដោយ Gundogan, Phil Foden និង Kevin De Bruyne។ ស្របពេល១គ្រាប់លួងចិត្តរបស់ក្រុមតោខៀវវិញ សម្រេចបានដោយ Callum Hudson-Odoi នៅនាទី៩០+២ ឯណោះ។ ដោយបរាជ័យរបស់ក្រុម Chelsea នេះទៀតសោតបានធ្វើឱ្យពួកគេធ្លាក់ដល់លេខ៨ក្នុងតារាងទៅហើយ ពិបាកប្រជែងជាមួយក្រុមកំពូលតារាងណាស់។
ជាមួយគ្នានេះដែរ លោក Lampard ក៏កាន់តែក្ដៅកៅអីហើយដែរ ក្រោយពីបរាជ័យផ្ទួន និងបាត់បង់ពិន្ទុជាច្រើនមកនេះ។ ឆ្លងកាត់១៧ប្រកួត ពួកគេមានតែ២៦ពិន្ទុទេ ខណៈដែលក្រុមលេខ១ Liverpool វិញ មាន៣៣ពិន្ទុហើយមាន១ប្រកួតសល់ក្នុងដៃថែមទៀត៕ប្រភព Dailymail
